Muxikako Inama lantegiko beharginek ordubeteko lanuzteak egingo dituzte datozen asteetan, eta eguaztenean egingo dute horietako lehenengoa, 11:00etatik 12:00etara.
Lehenengo elkarretaratzea enpresaren aurrean egingo dutela jakinarazi du langileen komiteko ordezkari David Palaciosek. Azaroaren 2an egingo dute ordubeteko hurrengo lanuztea, eta azaroaren 7an eta 14an egingo dituzte beste biak, ordu berean. «Lanuzteak eginez langile guztiek daukate protestetara joateko aukera», azaldu du Palaciosek.
Eusko Jaurlaritzagaz batzarrak izateko zain daude Inamako langileak, eta bitartean beraien arazoa kalera ateratzeko asmoa agertu dute. Hurrengo astelehenean, esaterako, Gernika-Lumon izango dira, Urriko Azken Asteleheneko Azokan informazioa banatzen.
Galizara bi eguneko bidaia be antolatu gura dute, hango lantegikoei Muxikako beharginek bizi duten egoera azaltzeko. «Bidaia hori egiteko be bi eguneko lanuztea deitzeko aukera aztertzen ari gara».
Era berean, txanda aldaketarako orduan be elkarretaratzeak egiten ari dira Inamako langileak, 13:30etik 14:30era.
Museoen Nazioarteko egunean doako bisitak eta jarduera bereziak egiten ari dira Turistek eta donostiarrek museoez gozatzeko egun polita dute gaur. San Telmo Museoan doako bisita gidatuak egiten ari dira, eta sarrera ere doan da. Berritze lanen azalpenak, eta eraikinaren sekretuak ezagutzeko aukera eman diete bisitariei. Arratsaldean, 17:00etan euskarazko bisita gidatua egingo dute eraikinaren arkitekturaren inguruan. Ordu [...]
Hogeitahirugarren urtez jarraian Kultura Sailaren eskutik Herri Kanta Jaialdia egingo dute etzi, goizeko hamaiketatik aurrera, Gipuzkoa plazan. Bederatzi abesbatzak parte hartuko dute, guztira: Kasino Zaharra, Amuitz, Kardiñeruak, Surbesta, Zumardi, Klink, Xarmanta, Olagarro eta Goxoki. Horiek ordena horretan ariko dira zuzenean abesten, eta talde bakoitzak bi kanta abestuko ditu. Emanaldia bukatzeko, denek, bai abesbatzetako kideek, eta [...]
Busturialdeko Hitza
Endika Urlezaga Carranza
Oihana Cabello
Gernikaldeko Hitza